【防疫抗疫基金】工資補貼點樣計？

特首

林鄭月娥喺4月8日宣布成立第二輪1,375億元的防疫抗疫基金措施，當中花810億港元推出「保就業計劃」，包括向僱主提供為期半年的工資補貼，資助每名僱員每月最多9000港元。

咁究竟呢個工資補貼係點樣計算呢？

計劃會根據過往1-3月其中一個月的數據，即係話僱主可以揀今年的1月或2月或3月為基準，申請補貼。例如餐飲零售喺1月農歷新年人手較多，就可以1月來申請。

不過，僱主要注意，領取後要承諾在6個月內唔裁員，申請補貼期間，員工人數唔可以低於3月的員工總數，補貼金額亦只用作補貼僱員，唔可以用喺公司其他項目，例如交租。